Хоол, хүнсний үйлдвэрлэл, үйлчилгээ эрхлэгчдэд зөвлөмж

Шинэ жилийн баяр болох гэж байгаатай холбогдуулан нийтийг хамарсан арга хэмжээний үед эрүүл ахуй, ариун цэврийн шаардлага хангаагүй орчин нөхцөлд хүнсний чанар, аюулгүйн шаардлагад нийцээгүй бүтээгдэхүүн үйлдвэрлэснээс хоол хүнсээр дамжих өвчин гарахаас урьдчилан сэргийлэх зорилгоор хоол, хүнсний үйлдвэрлэл, үйлчилгээ эрхлэгч нарт ЗӨВЛӨХ НЬ Нийтийг хамарсан арга хэмжээний үед хоол хүнсийг бэлтгэж боловсруулахдаа эрүүл ахуйн зохистой дадлыг баримтлаагүйгээс хүн амын дунд хүнсний гаралтай хордлого, хордлогот халдвар тархах, иргэдийн эрүүл мэнд, амь насанд эрсдэл учирч болзошгүй тул Дотоод хяналтыг сайжруулж, хоол үйлдвэрлэлийн үйл ажиллагаа, бүтээгдэхүүний чанар, аюулгүй байдал, хадгалалт, хугацаанд тогтмол хяналт тавьж дараах зарчмыг баримтлах. Үүнд:

  • Хоол бэлтгэхийн өмнө, бие зассаны дараа болон гар бохирдох бүрт гараа тогтмол савандаж угааж, халдваргүйтгэх, ажилчид ажлын хувцсыг бүрэн цэвэрхэн өмсөх, хувийн ариун цэврийг чанд сахих
  • Хоол хүнсийг эрүүл ахуйн шаардлагад нийцсэн орчин нөхцөлд технологи зааврыг хатуу баримтлан бэлтгэж боловсруулах
  • Хоол хүнс бэлтгэхэд хэрэглэдэг бүх гадаргуу, сав суулга, багаж хэрэгслийг тогтмол угааж цэвэрлэх, халдваргүйтгэх
  • Түүхий мах болон бусад түүхий хүнсийг чанаж болгосон хүнсний зүйлсээс тусад нь хадгалах, шууд хэрэглэх бэлэн хоол хүнсийг түүхий хүнстэй холихгүй байх
  • Мах ногооны модыг бусад болгосон хүнс бэлтгэдэг тавиураас тусад нь байлгах, түүхий хүнсний зүйлийг бэлтгэх багаж, хэрэгслийг хэрэглэхийн өмнө ба дараа нь угааж цэвэрлэх
  • Хоол хүнсийг гүйцэд чанаж болгох, хүнсний түүхий эд, бүтээгдэхүүн, хоол хүнсийг урьд өдөр нь урьдчилан бэлтгэж хонуулахгүй байх
  • Түргэн мууддаг хүнсийг хөргөгчинд\5 буюу түүнээс доош хэмд\ хадгалах
  • Хөлдөөсөн хоол хүнсийг тасалгааны хэмд гэсгээж болохгүй, богино долгионы зууханд, хөргөгчний хөргүүрийн хэсэгт, эсвэл хүйтэн усанд барьж гэсгээх
  • Хоол хүнсэнд хэрэглэх усыг баталгаатай эх үүсвэрээс хэрэглэх, ус нөөцлөх савыг цэвэр байлгах, тогтмол таглаж байх
  • Хоол үйлдвэрлэлд ашиглах түүхий эд, бүтээгдэхүүнийг баталгаатай эх үүсвэрээс сонгож авах, бүтээгдэхүүн, түүхий эдийн хаяг шошго, сав баглаа боодлын бүрэн бүтэн байдлыг шалгаж, гарал үүсэл, баталгаажилт, дүгнэлтийг дагалдуулан авч байх
  • Зууш салат бэлтгэх боловсруулах, хадгалах түгээх үеийн ариун цэвэр, эрүүл ахуйг чанд баримтлах
  • Бэлтгэсэн хоол, зууш, салат бусад боловсруулсан бүтээгдэхүүнээс ариутгасан саванд дээж авч хөргөгчинд 0- +4 хэмд 48 цаг хадгалж, тэмдэглэл хөтлөх
  • Ажилчдыг эрүүл мэндийн урьдчилан сэргийлэх шинжилгээнд бүрэн хамруулах
  • Хог хаягдлыг хоол үйлдвэрлэлийн өрөөнөөс тухай бүр зайлуулж байх

Хоолны газарт дараахь зүйлийг Хориглоно.Үүнд

  • Гарал үүсэл тодорхойгүй, баталгаажилтгүй, хадгалалтын хугацаа хэтэрсэн түүхий эд, бүтээгдэхүүнийг хоол үйлдвэрлэлд ашиглах
  • Эрүүл ахуйн шаардлага хангаагүй орчин нөхцөлд хоол, хүнс үйлдвэрлэх, зууш бэлтгэж, таваглан олгох
  • Бэлэн болсон зууш, салатыг тасалгааны температурт хадгалах
  • Хоол үйлдвэрлэлийн өрөөд гадны хувцастай хүн оруулах
  • Хоолны түүхий эд, бүтээгдэхүүнийг шалан дээр тавих
  • Эрүүл мэндийн шинжилгээнд хамрагдаагүй хүнийг хоол үйлдвэрлэлийн үйл ажиллагаанд оролцуулахыг тус тус хориглоно.

Хариу бичих

Your email address will not be published.Талбаруудыг заавал бөглөнө үү *

*

Powered by themekiller.com anime4online.com animextoon.com apk4phone.com tengag.com moviekillers.com